जापानले माग्याे राेजगारीका लागि १ हजार नेपाली

काठमाडौं । जापानले जनवरी र मार्चमा जापानी भाषा परीक्षा सञ्चालन गरेर नेपालबाट १ हजार युवालाई रोजगारीका लागि लैजाने भएको छ ।
वैदेशिक रोजगार विभागले शुक्रबार सूचना सार्वजनिक गर्दै नर्सिङ केयर गिभरका लागि सो संख्यामा नेपाली युवालाई रोजगारका लागि लैजान लागेको जनाएको हो । यसअघि पनि एक चरणमा परीक्षा सञ्चालन गरे पनि थेरै संख्यामा मात्र नेपाली उत्तीर्ण भएका थिए ।
नेपाल र जापान सरकारबीच केही महिनाअघि भएको सहयोग समझदारी (एमओसी) बमोजिम नेपालबाट नर्सिङ केयर गिभरको लागि पुनः परीक्षा गर्न लागिएको हो । कारोबार दैनिकले खबर छापेको छ ।