फेरि बढ्यो सुनको भाउ, तोलाको ७८ हजार १ सय पुग्यो

काठमाडौं । नेपाली बजारमा सुनको भाउ दिनदिनै उकालो लाग्ने क्रम शुक्रबार पनि जारी रहेको छ । सुनको भाउ शुक्रबार तोलामा ५ सय रुपैयाँ बढेर तोलाको ७८ हजार १ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।
यो अहिलेसम्म कै महङ्गो मूल्य हो । गएको फागुन १ गते तोलाको ७६ हजार रुपैयाँमा कारोबार भएको सुनको भाउ त्यसयता नौ दिनमै तोलामा २१ सय रुपैयाँ बढेको छ ।
चीनबाट सुरु भएको कोरोना भाइरस विश्वमै फैलिएपछि सुनको माग बढेको र भाउ अझै बढ्ने संकेत देखिएको बताइएको छ ।