महिलाको गुप्तांगमा राखेर ५४ तोला सुन तस्करी

माघ ६ । पछिल्लो पटक नेपालमा सुन तस्करीका घटनाहरु बढेर गएका छन् ।  चीन नाका खासावाट अबैध रुपमा भित्र्याइएका सुन प्रहरीले धमाधम बरामद गर्न थालेपछि भने तस्करीले भने महिलाको गुप्तांगमा राखेर तस्करी थालेको पाइएको छ ।

महानगरीय प्रहरी परिसर भक्तपुरले शनिवार राति विशेष सुराकीका आधारमा तीन महिलाको भित्री अंग गुप्तांगबाट ५४ तोला सुनसहित उनीहरुलाई पक्राउ गरेपछि यस्तो तथ्य खुलासा भएको हो ।

अरनिको राजमार्गअन्तर्गत भक्तपुर चित्तपोल ५ बाट शनिवार राति उनीहरुलाई प्रहरीले पक्राउ गरेको थियो ।  रातको समयमा भाडाका गाडी प्रयोग गरी तस्करले महिलालाई माध्यम बनाएर संवेदनशील अंगमा लुकाई सुन तस्करी थालेको प्रहरीले जनाएको छ ।

अरनिको राजमार्ग सडकखण्ड अन्तर्गत भक्तपुरमा तातोपानीबाट आइरहेको गाडीमा सवार यात्रुहरुलाई चेकजाँच गर्ने क्रममा ५४ तोला ६५ लाल अर्थात ६ सय ६७ ग्राम अबैध सुन बरामद भएको खबर राजधानीमा छापिएको छ ।