असोज १७ – प्रहरीले दुई वटा बसमा चेक जाँच गर्ने क्रममा अवैध लागु औषधसहित दुई जनालाई पक्राउ गरेको छ ।
वीरगन्जबाट काठमाडौँतर्फ आइरहेको दुर्ई बसलाई पूर्वपश्चिम राजमार्गअन्तर्गत पर्ने रातेमाटेमा प्रहरीले आज बिहान जाँच गर्ने क्रममा ती दुई जना अवैध लागु औषधसहित पक्राउ परेका हुन् ।
पक्राउ पर्नेमध्ये भक्तपुर जिल्ला कटुन्जे गाविस– ६ बस्ने ३३ वर्षीय नवराज श्रेष्ठका साथबाट अवैध खैरो हिरोइन ३०० ग्राम र बारा जिल्ला भवानीपुुर गाविस– ३ बस्ने २७वर्षीय वीरेन्द्रप्रसाद सोनारका साथबाट अवैध फेन्सिडल तीन हजार मिलिग्राम बरामद गरिएको प्रहरीले जनाएको छ ।
लागुऔषधसहित अभियुक्तलाई अनुसन्धानका लागि हिरासतमा लिइएको छ ।
Comments
