काठमाडौं । यो वर्ष सेयरधनीलाई केही पनि लाभांश नदिएको कुमारी बैंकले आफ्ना कर्मचारीलाई भने बोनसको नाममा ५८ करोड बाडेको छ ।
खराब व्यवस्थापन र नियामक निकाय राष्ट्र बैंकले पनि हस्तक्षेप नगर्दा बैंकको नन् पर्ममिङ लोन् नै ७ प्रतिशतको बिन्दुमा पुगेको छ ।
सञ्चालक समिति तथा बैंक व्यवस्थापनको कमजोर क्षमता र सुशासन अभावका कारण बैंक दिन प्रतिदिन ओरालो लागिरहेको छ । बैंकको खराब कर्जा बढेका कारण ठूलो मात्रा प्रोभिजन छुटाउनु परेको छ ।
त्यसको सोझो असर पनि लगानीकर्ताले बेहोर्नु परेको छ । बैंकका लगानीकर्ताले यो वर्ष कुनै पनि लाभांश हात नपारे पनि बैंकका कर्मचारीले भने ५८ करोड १६ लाख २४ हजार ४ सय ५१ रुपैयाँ पाएका हुन् ।
बैंकले कर्मचारीको बोनस खर्च अपरेटिङ एक्सपेन्स अन्तर्गत ठूलो राशी खर्च गर्दा डिस्ट्रिब्युएबल प्रोफिटमा समेत असर परेको छ । कतिपयले कर्मचारी बोनशमा यति ठूलो खर्च नगरेको भए सेयरधनीले पनि केही हिस्सा पाउन सक्ने बताएका छन् ।
पुँजी लगानी गरेर जोखिम बहन गर्ने लगानीकर्तालाई हात खाली राखेर तलब सुविधा पाउने र जोखिम पनि नबेहोर्ने कर्मचारीलाई भने करोडौं बाडेको भन्दै बैंकको विरोध पनि भइरहेको छ ।
बैंकले लगानीकर्तालाई अपेक्षा गरेको र आफ्नो मात्र तलब तथा बोनश सुरक्षित गर्न बैंक सञ्चालक र व्यवस्थापन लागेको सेयरधनीहरुको भनाई छ ।
याे पनि पढ्नुहाेस्…
