विपिन जोशीको दुई वर्ष अघि नै हत्या भएको पुष्टि

काठमाडौं । हमासको अपहरणपछि मारिएका नेपाली युवा विपिन जोशीको दुई वर्ष अघि नै हत्या भएको पुष्टि भएको छ । शवको डीएनए परिक्षणको क्रममा विपिनको दुई वर्ष अघि सन् २०२३ मा नै हत्या भएको पुष्टि भएको हो ।

इजरायली सैनिक अस्पतालमा गरिएको डीएनए परीक्षणको रिपोर्टमा विपिनको सन् २०२३ को अन्त्यतिर नै हत्या भएको देखाइएको इजरायलस्थित नेपाली दूतावासले जनाएको छ ।

इजरायलस्थित दूतावासका अनुसार हमासले हस्तान्तरण गरेको शव विपिन जोशीकै भएको डीएनए परीक्षणबाट पुष्टि भएको थियो ।

यसअघि, हमासले विपिनसहित ४ जनाको इजरायली हवाई हमलाबाट मृत्यु भएको जनाउँदै शव हस्तान्तरण गरेको थियो ।