काठमाडौं । राष्ट्रिय स्वतन्त्र पार्टीका वरिष्ठ नेता बालेन्द्र शाहले काठमाडौं अधिकार माग्न नभएर पशुपति र स्वयम्भुनाथ घुम्न जानुपर्ने बताएका छन् ।
रास्वपाले जनकपुरमा आयोजना गरेको कार्यक्रम अन्तर्गत पहिलो पटक सार्वजनिक सभामा बोल्दै बालेन्द्र शाहले संघीयतालाई बलियो बनाउन प्रदेश संरचनालाई बलियो बनाउनुपर्ने पनि बताए ।
उनले रास्वपालाई संघीयताप्रतिको धारणा के हो भनेर काठमाडौंमा सोधिने गरेको बताए । उनले भने, ‘प्रदेशलाई बलियो बनाउनुपर्छ ।’ उनले वीरगन्जको प्रमुख प्रशासकीय अधिकृत परिवर्तन गर्नका लागि काठमाडौं जानुपर्ने बाध्यता अन्त्य गरे मात्र प्रदेश बलियो हुने उनले बताए ।
प्रदेश संरचना बलियो बनाएर काठमाडौंमा अधिकार माग्न जानुपर्ने अवस्थाको अन्त्य गर्नुपर्ने बालेन्द्र शाहको भनाइ थियो । ‘काठमाडौं अधिकार माग्न हैन, पशुपति र स्वयम्भुनाथ घुम्न जाने हो’ शाहले भने । देश र मधेसको विकासका लागि रास्वपालाई भोट दिनुपर्ने शाहको भनाइ थियो ।
