आत्मदाह प्रयास गरेका गणेश नेपालीको निधन

काठमाडौँ । त्रिपुरेश्वरस्थित राहदानी विभागअगाडि बिहीबार पेट्रोल छर्केर आत्मदाहको प्रयास गरेका मुगुका गणेश नेपालीको उपचारका क्रममा निधन भएको छ ।

उनको वीर अस्पतालको बर्न सेन्टरमा उपचार क्रममा मृत्यु भएको हाे । अस्पतालले भने निधनको औपचारिक घोषणा गर्न बाँकी छ ।

भक्तपुरमा डेरा गरी श्रीमती र छोरीसँग बस्दै आएका गणेश राइड सेयरिङ एपमार्फत राइडरको काम गर्थे । आफूले रोकिराखेको मोटरसाइकलमा महानगर प्रहरीले ह्विल लक गरेर लैजाने प्रयास गरेपछि शुक्रबार दिउँसो उनले आत्मदाहको प्रयास गरेका थिए ।