जाजरकोट २२ पुस । गत मंसिर ४ गते जाजरकोटमा भएको दर्दनाक वस दुर्घटनावाट संरक्षक विहिन भएका २१ वालवालिकाहरु विचल्लीमा परेका छन् ।
जिल्लाको भुर गाविसको रावतगाउँमा ५२ जनाको मृत्यु २ जना वेपत्ता र ११ जना घाइनते हुने गरि भएको भयानक वस दुर्घटनामा परि मृत्यु हुनेहरुका छोराछोरीहरुले वुवाआमा गुमाई सकेपछि विचल्लीमा परेका हुन् ।
वस दुर्घटनाका कारण विचल्लीमा परेका अधिकांश वालवाकिलाहरुका वुवा गुमेपछि उनीहरुलाइ गास वास र भरणपोषणको समस्या परेको छ । वस दुर्घटनावाट संरक्षक विहिन भएका २१ वालवालिकाहरुको जिल्ला वालकल्याण समितिले विवरण तयार पारेको छ ।
सोमवार प्रमुख जिल्ला अधिकारी जगतवहादुर वस्नेतको अध्यक्षतामा वसेको जिल्ला वाल कल्यान समितिको वैठकले वस दुर्घटनामा आमा वुवा र अन्य अभिभावक गुमाएका वालवालिकाहरुको संरक्षण स्याहार र अन्य सुरक्षाको व्यवस्था गरिदिन केन्द्रिय वालकल्याण समितिलाइ आग्रह गर्ने निर्णय गरेको हो । विचल्ली पर्नेहरुमा ३ महिना देखि १० वर्ष सम्मका वालवालिकाहरु रहेका छन् ।
जिल्ला वालकल्याण समितीले तयार गरेको अभिलेख अनुसार अधिकांश वालवालिकाहरुका वुवाको मृत्यु भएकोले उनीहरुको पालनपोषण देखि अन्य सुरक्षामा समस्या देखिएको वताइएको छ । आर्थिक अभावका कारण अधिकांश वालवालिकाहरु मावली घरमा वस्न वाध्य भएको र उनीहरुको भरणपोषण र पढाइमा समेत समस्या परेको जिल्ला वालकल्याण अधिकृत डम्वरवहादुर रोकायले वताए ।
उनका अनुसार विचल्लीमा पर्नेहरुमा डाडागाउँ ७ की ५ महिनाकी शुसीला पुन, डाडागाउँ ४की ९ वर्षीय सर्मिला गिरी, ७ वर्षीया विनीता खड्का, डाडाँगाउँ ७ का ४ वर्षीया कमला रोकाय, ६ वर्षीय वीरवहादुर रोकाय, ९ वर्षीया चन्द्रा रोकाय, ३ महिनाका मदन रोकाय, १० वर्षीय गणेश वुढा, ३ वर्षीय रामवहादुर पुन, ७ वर्षीया विजया पुन, १ वर्षीय टेकराज पुन, ६ वर्षीया लक्ष्मी वुढा र ७ वर्षीय सन्देश वुढा रहेका छन् ।
त्यसैगरि लहँ २ थाप्लाकी ९ वर्षीया विनिता खड्का, ५ वर्षका विकास खड्का, डाडाँगाउँ ९ का ४ वर्षीय प्रशान्त रोकाय, खलंगा ६ तिलिंगेकी १० वर्षीया पुष्पा खड्का र उनकी वहिनी ९ वर्षीया अस्मीता खड्का र भाइ ६ वर्षीय गुणराज खड्का, खलंगा १ वाहुनवाडाकी ९ वर्षीया स्मारीका केसी र उनका भाइ ६ वर्षीय उत्सव केसी रहेका छन् । डाडाँगाउँ ४ की सर्मिला गिरी र विनीता खड्का वाहेक अन्य १९ वालवालिकाहरुले वुवा गुमाएका छन् ।
उनीहरुलाई आवस्यक सहयोग र भरणपोषणको व्यवस्था एवम अन्य सुरक्षाको व्यवस्थाका लागि आफुहरुले केन्द्रिय वालकल्याण समितीसंग अनुरोध गरेको प्रमुख जिल्ला अधिकारी जगतवहादुर वस्नेतले वताए । उनले आर्थिक अवस्था र उचित अभिभावकको अभावमा ती वालवालिकाहरु विचल्लीमा परेको वुझिन आएकोले उनीहरुलाइ सहयोग र संरक्षणका लागि सरोकारवाला निकायहरुलाइ आग्रह गरिएको वताए ।
कमाइ गर्ने मुली नै गुमेपछि छोराछोरीको भरणपोषणमा निकै कठिनाइ भएको वस दुर्घटनामा प्रदेश सिंह खत्री श्रीमानलाई गुमाएकी खलंगा १ की लक्ष्मी रेग्मीले वताइन् । उनले दुइ छोराछोरीको भविश्यको मात्र नभइ उनीहरुलाइ कसरी पाल्ने भनेर चिन्ता लाग्ने गरेको वताइन् । उनी जस्तै डाडागाउँ ९ की चन्द्रा रोकाय पनि कमाइ गर्ने घरका मुली श्रीमान भीमवहादुर रोकायको मृत्यु भएपछि सानो छोरालाई के गरेर पाल्ने भनी चिन्ताले सताउने गरेको वताइन् ।
यसै विच भेरी वस दुर्घटनामा आफन्त गुमाएका पिडितहरुले राज्य र मध्य पस्चिम यातायात व्यावसायी समितिले आफुहरुलाई दिने भनेको राहत सहयोग नदिएको भन्दै विरोध स्वरुप पुस २४ र २५ गते जिल्ला प्रशासन कार्यालयमा धर्ना दिने भएका छन् । वस दुर्घटना पिडित संघर्ष समितीको सोमवार वसेको वैठकले राहत सहयोगका लागि सरोकारवाला निकायलाइ दवाव दिन धर्ना दिन लागिएको संघर्ष समितिका संयोजक पदम खत्रीले वताए ।
