माघ २५ । नेपाली काङ्ग्रेसका नेता डा. प्रकासशरण महतले राष्ट्रपतिको निर्वाचनका विषयमा आफ्नो दल रोवर्ट जस्तो नहुने बताएका छन् ।
वरिष्ठ नेता शेरवहादुर देउवा निकट मानिने महतले शनिवार राजधानीमा आयोजित एक कार्यक्रममा यस्तो बताएका हुन् ।
राष्ट्रपतिको निर्वाचन कुनै पनि हालतमा गर्नु नहुने पक्षमा काङ्ग्रेसले आफ्नो भनाई प्रस्तुत गरिरहेका बेलामा महतले भने आफ्नो दलले राष्ट्रपतिलाई कहिल्यै पनि कुर्चीबाट नहटाउँने पक्षको वकालत नगरेको दाबी गरे ।
‘हामीले उहाँ (राष्ट्रपति)लाई लोकप्रीयताका आधारमा पनि नहटाउँने भनेको होइन,’ उनले भने ‘अहिले सरकार सञ्चालन र संविधान निर्माणको काममा बढी केन्द्रित बनौँ मात्र भन्न खोजेको हो ।’ उनले राष्ट्रपतिको निर्वाचनका वारेमा छलफल गर्न आफ्नो दल तयार रहेको पनि बताए । उनले सबै दलबीच सहमति गरेर अघि बढेको अवस्थामा एक वर्षभित्रमा संविधान जारी हुने पनि दाबी गरे ।
Comments
