कात्तिक ८ । एकपछि अर्को ठाउँमा झडप तथा निर्वाचन विरुद्धमा घटनाहरु घटिरहेका बेला गोरखामा भने एमाओवादी कार्यकर्ताको कुटाईबाट ११ एमाले कार्यकर्ता घाइते भएका छन् ।
गोरखाको स्वारा गाउँ विकास समिति वडा नम्बर ४ खारचोकमा नेकपा एमालेको चुनावी बैठक बसेको स्थानमा गएराति एकीकृत माओवादीका कार्यकर्ताले आक्रमण गरेको एमालेले जनाएको छ ।
घाइतेहरु मध्ये एक जनाको अवस्था गम्भीर रहेको प्रहरीले जनाएको छ ।
१०/१५ जना एमाओवादी कार्यकर्ताले अन्धाधुन्ध कुटपीट गरेको एमालेले जनाएको हो ।
उता, दाङको तुलसीपुर बजारमा एमाले सचिव तथा उम्मेदवार शंकर पोखरेलले चुनावी प्रचारमा प्रयोग गरेको बा२च २७३४ नम्बरको गाडी नेकपा–माओवादीका कार्यकर्ताले तोडफोड गरेको बताइएको छ ।
Comments
