चुरोटले डढेर पनि एकको ज्यान गयो

पुस १३ – चुरोटको ठुटोले जलेर एक जनाको भक्तपुरमा ज्यान गएको छ ।

भक्तपुरको सिपाडोल-८ मा बस्ने ५२ वर्षीय शम्भु भुजेल आफ्नै घरको कोठामा मृत अबस्थामा फेला परेका हुन् । रक्सी र चुरोट सेवन गरेर सुतेका शम्भु मृत फेला पारिएको हो । उनलाई आज विहान साढे दुई बजे जलेको अवस्थामा मृत फेला परेको प्रहरीले जनाएको छ ।

प्रहरीले प्रारम्भीक अनुमानमा चुरोट सेवन गर्ने क्रममा आगो सल्किएर शम्भुको मृत्यु भएको हुन सक्ने जनाएको छ । आगोले शम्भुले लगाएका कपडा, खाट र सिरक समेत जलेको छ ।