कानठमाडौं । पोखरा महानगरका पूर्व मेयर कृष्ण थापाको ६५ वर्षको उमेरमा हृदयघातका कारण निधन भएको छ।
प्रतिनिधिसभा निर्वाचनको कास्की क्षेत्र नम्बर १ को समीक्षा बैठक सकिएपछि कुर्चीमा बसेर बोलिरहेकै अवस्थामा थापालाई हृदयघात भएको थियो । हृदयघात हुनासाथ थापालाई पोखराकै मणिपाल शिक्षण अस्पताल लगिएको थियो। अस्पतालका चिकित्सकले उनलाई मृत घोषणा गरेका थिए ।
२०५४ सालमा भएको स्थानीय निर्वाचनमा थापा पोखराको मेयर निर्वाचित भएका थिए। त्यसपछि उनी २०७४ सालमा गण्डकी प्रदेश सभा सदस्य निर्वाचित भएका थिए भने २०७८ को निर्वाचनमा फेरि पोखरा महानगरको मेयर प्रत्यासी थिए।
नेकपा एमाले कास्की इन्चार्ज एवं केन्द्रीय सदस्य रहेका थापा यसपटक भएको प्रतिनिधि सभा निर्वाचनमा कास्की २ बाट टिकट पाएका थिए। उनले पाएको टिकट खोसेर अर्का केन्द्रीय सदस्य रश्मी आचार्यलाई दिएपछि उनी रूष्ट थिए।
Comments
