नेम्से साँढे तीन अंकले ओरालो

जेठ ४ । नेपाल स्टक एक्सचेन्ज साताको पहिलो दिन आइतबार ओरालो लागेको छ । अघिल्लो दिनको तुलना भन्दा ओरालो लागेर खुलेको बजार अन्तिम समयसम्म पनि उकालो लाग्न सकेन । 

दिनभरमा नेप्से साँढे तीन अंकले ओलिएर ८४९ अंकमा रोकियो । इन्स्योरेन्स, बाणिज्य बैंक, विकास बैंक, अन्य र होटल समूहको सेयर परिसूचक बढ्न नसकेको हो ।

आइतबार बजार नबढे पनि ३६ करोड ५५ लाख रुपैयाँको सेयर किनबेच भएको छ ।

उक्त दिन सबैभन्दा इन्स्योरेन्स समूह बढी घाटामा देखियो । लाईफ इन्स्योरेन्स कम्पनीको सेयर प्रतिकित्ता ७० रुपैयाँले, एशियन लाईफको प्रतिकित्ता ५० रुपैयाँले, नेशनल लाइफको ५० रुपैयाँले, प्रुडेन्सियलको ४३ रुपैयाँले, प्राइम लाइफको २० रुपैयाँले र एनएलजीको २९ रुपैयाँले सेयर मुल्य घटेको छ भने नेपाल लाइफको सेयर मुल्य भने प्रतिकित्ता ७५ रुपैयाँले बढेको छ।