वैशाख १७ । अर्घाखाँचीमा आज भएको सवारी दुर्घटनामा १९ जनाको मृत्यु भएको छ । दुर्घटनामा कम्तिमा ४० जना घाइते भएका छन् ।
नरपानी ५ जगत भन्ने स्थानमा अर्घाखाँचीको सदरमुकाम सन्धिखर्कबाट साढे १२ बजे बुटवलका लागि छुटेको लु १ ख ६२३१ नम्बरको बस र बुटवलबाट सन्धिखर्कतर्फ जाँदै गरेको लु १ ख ७८२७ नम्बरको मिनीट्रक एकआपसमा ठोक्किएर दुर्घटना भएको प्रहरीले जनाएको छ ।
साधुरो बाटो र तीव्र गतिका कारण दुर्घटना भएको हुन सक्ने प्रहरीको अनुमान छ ।
Comments
