माघ १ । कपिलवस्तुकी श्रीकान्ती पासीले अहिलेसम्म काठमाडौं टेकेका छैनन् । तर उनी काठमाडौं आउन तामझाममा छन् ।

पान पसल राखेर पान बेच्दै आएका उनी व्यापारका लागि भन्दा संविधान बनाउन काठमाडौं आउन लागेका हुन् ।
एकसाता अघिसम्म तौलिहवास्थित पसलमा पान बेच्दै आएका उनी पान बेच्दाबेच्दै नै सभासद् बनेका हुन् ।

सभासद हुँला भन्ने कल्पनासमेत गरेकी थिइँन, अब भइयो, सपथ खान र कोठा खोज्न अलिक छिटो जानुपर्यो राप्रपा नेपालको तर्फबाट समानुपातिक सभासदमा चयन भएकी पासीले भनिन् ।

दुई दशकदेखि एकल जीवन बिताउँदै आएकी ३८ वर्षीया पासी आफूले जीवनमै नसोचेको स्थान पाएको बताउँछिन् । म सभासद भएकोमा आफैं दङ्ग छु ।
कक्षा ३ सम्म पढेकी उनी मंगलबार पनि गुइँठा बनाउन गोबर मुछ्दै थिइन् । सानैमा आमा र बुबा गुमाएकी पासीले २५ वर्षदेखि एकल जीवन बिताइरहेकी छन् । १२ वर्षको उमेरमा निग्लिहवा बिर्ता गाउँका रजिस्टर पासीसँग भएको वैवाहि सम्वन्ध टुटेपछि उनी भाउजू सिर्पातीको घरमा बस्दै आएकी छन् ।

१० वर्षअघि देखि राप्रपासँग आवद्द उनी राप्रपा नेपाल गठन भएपछि त्यही पार्टीमा सकृय छिन् । संविधानसभा चुनावका क्रममा उनी पान पसलै बन्द गरेर राप्रपा नेपालको चुनावी प्रचारमा होमिएकी थिइन् ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।