साताको पहिलो दिन सुनचाँदीको भाउ बढ्यो

पुस २८ । साताको पहिलो दिन आज सुनचाँदीको भाउ बढेर कारोबार भईरहेको छ ।

आइतबार सुन तोलामा ४ सय रुपैयाँ बढेको नेपाल सुनचाँदी व्यवसायी महासंघले जनाएको छ ।

महासंघले आइतबारका लागी सुनको भाउ तोलाको ५३ हजार ४ सय रुपैयाँ तोकेको छ । गत शुक्रबार सुन तोलाको ५३ हजार रुपैयाँमा किनबेच भएको थियो ।

आइतबार चाँदीको भाउ पनि तोलामा १५ रुपैयाँ बढेको छ । गत शुक्रबार चाँदी तोलाको ८ सय ४५ रुपैयाँमा कारोबार भएको थियो ।