अब परीक्षार्थीहरुमा भाषाको राम्रो ज्ञान हुन पनि उत्तिनै जरुरी रहने भएको छ ।
कोरिया सरकारले भाषा परिक्षामा यस भन्दा पहिले भन्दा केही फेरबदल भएसँगै परीक्षार्थीले पनि चलाखी अपनाउनुपर्ने भएको छ ।
भाषा परिक्षालाई विश्व स्तरीय बनाउन सत प्रतिसत गोप्य प्रश्न सोधिने इपिएस सेन्टरका निर्देशक लि दोङ र्सिकले यसअघि नै बताईसकेका छन् ।
नयाँ व्यवस्थाअनुसार, भाषा परिक्षाको सिलेबसमा आधारित भई कुनै पनि प्रश्न सोध्न सकिनेछ । यसअघि, भाषा परिक्षामा एउटा मात्र पुस्तकबाट प्रश्न सोधिन्थ्यो । जसका लागि घोकन्ते पढाईले पनि पास गर्न निक्कै सहज थियो ।
तर, सिलेबलमा आधारित जुनसुकै प्रश्न पनि सोध्न सकिने भएपछि अब भाषा परीक्षा घोकेर मात्रै नभई भाषाबारे ज्ञान हुन अति आवश्यक देखिएको छ ।
यसवर्ष ८ हजार नेपाली कामदारका लागि आवेदन खुल्ला गरिसकेको छ । जसका लागि झण्डै पचास हजारले आवेदन दिएका छन् ।
