कोरियामा कामदारको तलब वृद्धि, नेपालीको प्रतिघन्टा ५ हजार २ सय १० वन हुने

असार २१ । दक्षिण कोरिया सरकारले कामदारको न्यूनतम पारिश्रमिक वृद्धि भएसँगै अब नेपालीको पनि प्रतिघन्टा ५ हजार २ सय १० वन हुने भएको छ ।

हाल नेपालीको तलब प्रतिघन्टा ४ हजार ८ सय ६० रहेको छ ।

कामदारको न्यूनतम पारिश्रमिकमा ७ दशमलव २ प्रतिशतले बढाएको त्यहाँको सरकारले जनाएको छ ।

तर वृद्धि गरिएको तलब सन् २०१४ देखि मात्रै लागू हुने जनाइएको छ ।

कोरियामा वैधानिक कामको सिलशिलामा झण्डै १६ हजार नेपाली कार्यरत रहेको सरकारी तथ्यांकमा उल्लेख छ ।

त्यहाँ कार्यरत कर्मचारीले नेपाली ८० हजारदेखि डेढ लाखसम्म मासिक रुपमा कमाउने गरेको बताइन्छ ।