जेठ ६ । नायक अर्जुन कार्कीले विश्वको सर्वोच्च शिखर सगरमाथाको सफल आरोहण गरेका छन् ।
कार्कीसँगै म्याराथुन धावक सञ्जय पाण्डेले पनि सर्वोच्च शिखरमा पाइला टेकेका छन् ।
तर कार्कीसंगै गएकी नायिका निशा अधिकारीले भने सगरमाथाको आरोहण गरेकी छैनन् । उनले केही दिन पछि आरोहण गर्ने बताइएको छ ।
नायक कार्की र राष्ट्रिय म्याराथुन धावक पाण्डेले सोमबार बिहान साँढे सात बजे सगरमाथाको आरोहण गरेका हुन् ।
उनीहरुसँगै सेभेन समिटको संयोजनमा १४ जना बिदेशी नागरिक र २५ जना नेपाली शेर्पाले सगरमाथामा पाइला टेकेका हुन् ।