जेठ २ । स्थायी शिक्षकको लिखित परीक्षाको केन्द्रहरु देशैभर तोकिएका छन् ।
जेठको ९, १० र ११ गते हुने परीक्षाको देशभर एकहजार ८ सय ४७ वटा केन्द्र निर्धारण गरिएको शिक्षक सेवा आयोगले जनाएको छ ।
प्राथमिकका लागि ९ सय ५९, निम्न माध्यमिकको लागि ६ सय ३६ र माध्यमिकको लागि २ सय ५२ वटा परीक्षा केन्द्र तोकिएको बताइएको छ ।
परीक्षा केन्द्र सम्बन्धित जिल्ला शिक्षा कार्यालय वा आयोगको वेवसाइट www.tsc.gov.np मा हेर्न सकिने व्यवस्था गरिएको छ ।
यसैबीच, परीक्षाको लागि आवश्यक पर्ने उत्तरपुस्तिका, प्रश्नपत्र, निर्देशिका लगायतका आवश्यक सामग्री लगायत सबै तयारी पूरा भएको पनि आयोगले जनाएको छ ।
Comments