बैशाख २८ । आर्थिक अवस्था मध्यम वर्ग परिवारकी एक ११ वर्षीय बालिकालाई १० रुपैया दिई फकाएर बलात्कार गरेको रहस्य खुलेको छ ।
झापा खुदुनाबारी १ सिस्नेका ४० बर्षका सुनेर विक ११ वर्षिया बालिकालाई त्यसरी फकाएर घरमै लगेर बलात्कार गरेका हुन् ।
स्थानीय बोडिङ स्कूलका बस चालक विकले ७ महिनाअघि ती बालिकालाई १० रुपैयाँको नोट दिएर आफ्नै घरमा लगि बलात्कार गरेको भन्दै पीडितका आफन्तले प्रहरीमा उजुरी दिएका छन् । तर विक भने उक्त घटना बाहिर आएसँगै फरार भएका छन् ।
छोरीले खुट्टा दुख्यो भन्ने गरेको र खुट्टा मिचिदिँदै जाँदा पेटमा सानो डल्लो भेटेपछि वैशाख ४ गते उनको पेटमा गर्भ रहेको खुलासा भएको कान्तिपुरले समाचार छापेको छ ।
पीडित बालिकाका बुवा-आमा स्थानीय खोलामा गिटी कुटेर गुजारा गर्दै आएका छन् ।