माघ ४ – विगत डेढ वर्षदेखि बैतडीको तल्लो सोराड क्षेत्रमा एक पछि अर्को गर्दै मान्छे मार्ने गरेको नरभक्षी चितुवालाई गएराती स्थानियबासिन्दाले मारिदिएका छन् ।
बैतडीको आमचौरा गाविस ६ चौडेलीका उदुगीराम भुलको गोठमा पसेको चितुवालाई गोठ भित्रै थुनेर बन्दुक हानेर मारिएकोले मारेकोे बताइएको छ ।
त्यो क्षेत्रमा लामो समयदेखि चितुवाले आतंक मचाएपछि जिल्ला प्रशासन कार्यालयले चितुवा मार्नका लागि प्रहरी परिचालन गरेको थियो ।
प्रहरीले २ महिनासम्म पनि चितुवा मार्न नसकेपछि प्रशासनले स्थानीयबासिन्दालाई मार्ने अनुमति दिएकाले उहाहरुले चितुवा मारेका हुन् ।
नरभंक्षी चितुवाले डेढ बर्षको अवधिमा तल्लोसोराड क्षेत्रका आमचौरा, महाकाली, विशालपुर, रोडीदेवल, उदयदेव, सर्माली, शिवनाथलगायतका एक दर्जन गाविसमा १५ जना मारेको थियो ।
Comments