काठमाडौँ, पुस २८ – नेकपा माओवादीको राजधानीमा जारी ७ औँ महाधिवेशनको बन्दसत्रमा समुहका टोलि नेताहरुले आफ्नो सुझाव राख्न सुरु गरेका छन् ।

बन्दसत्रमा मध्याह्नसम्म ५ समूहका टोलि नेताले आफ्नो सुझाव राखिसकेका छन् ।

सुझाव राख्नेमा सेती महाकाली, लिम्बुवान, भेरी कर्णाली, किरात र थारुवान राज्यका टोलि नेता रहेका छन् ।
आफ्नो टोलीको सुझाव राख्ने क्रममा उनीहरुले क्रान्तिकारी कार्यदिशा पास गर्न नेतृत्वलाई सुझाव दिएका छन् ।

बन्दसत्रमा अध्यक्षद्वारा प्रस्तुत राजनीतिक दस्तावेज तथा पार्टी सचिव देव गुरुङद्वारा प्रस्तावित पार्टी विधानका विषयमा छलफल गर्न २१ समूह गठन गरिएको थियो ।

सोही २१ समुहका टोली नेताले अहिले आफ्नो सुझाव राखिरहेका छन् । आजै सबै समुह नेताले सुझाव राखिसक्ने आयोजकले जानकारी दिएको छ ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।