पुस १८ – भारतको नयाँ दिल्लीस्थित मेदान्त अस्पतालमा उपचार गराइरहेका नेपाली काँग्रेसका नेता चक्रप्रसाद बास्तोलाको टाउकाको शल्यक्रिया गरी जमेको पानी निकालिएको छ ।
उक्त अस्पतालमा आज उनको मस्तिष्कको सामान्य शल्यक्रिया गरी जमेको पानी ट्युबबाट निकालिएको थियो । अहिलेसम्म उनी अचेत (कोमा) अवस्थामा भेन्टिलेटरमा रहेका उनका भतिजा तारा बास्तोलाले जानकारी गराएको राससले जनाएको छ ।
सिलिगुडीबाट एयर एम्बुलेन्सबाट दिल्ली लगिएपछि अस्पतालले आज बिहान नेता बास्तोलाको सिटीस्क्यान गर्दा टाउकामा पानी जमेको देखिएको थियो ।
सिलगुडीस्थित नर्थ बङ्गाल जुपिटर एमआरआइ डाइगोनेस्टिक सेन्टरमा यही पुस १४ गते बेलुकी उनको मस्तिष्कको शल्यक्रिया गरी जमेको रगत निकालिएको थियो । त्यहाँ उनको अवस्थामा सुधार नदेखिएपछि थप उपचारका लागि एयर एम्बुलेन्सबाट सोमबार राति नयाँ दिल्ली लगिएको थियो ।
Comments