असार १५ – सप्तरीमा जन्ती बोकेको बस दुर्घटनामा परेको छ । दुर्घटना हुँदा एक जनाको ज्यान गएको छ भने आधा दर्जन घाइते भएका छन ।
सप्तरीको रायपुर-६ बाट रायपुर-८ मा जन्ती लिएर गइरहेको ना.१ ज २८६० नम्बरको जिप एक्कासि पल्टिँदा गम्भीर घाइते भएका रायपुर-६ निवासी सीताराम यादवका छोरा २० वर्षीय रामकुमार यादवको मृत्यु भएको हो ।
दुर्घटनामा सप्तरी रायपुर-५ का २२ वर्षीय कृष्णदेव यादव, ६५ वर्षीय भिखन यादव, धरान-८ का २५ वर्षीय विवेक मण्डल, झुम्का-२ का २० वर्षीय अजय साह, राजविराज-८ का सञ्जय यादव र सिरहाको लहान-१ का लक्ष्मीनारायण साह घाइते भएका छन्।
दुर्घटनाग्रस्त जिपका चालक फरार रहेको र जिप धनी खोक्सर प्रवाहा(३ का खुबलाल यादवलाई नियन्त्रणमा लिइएको प्रहरीले जनाएको छ ।
जीप उच्च गतिमा गुडेकाले अनियन्त्रित भई दुर्घटनामा परेको हो ।
|
|
Comments