देश छाडेर भागिन् बंगलादेशकी प्रधानमन्त्री शेख हसिना

काठमाडौं । बंगलादेशमा आन्दोलन चर्कीरहेको बेला प्रधानमन्त्री शेख हसिनाले राजीनामा दिँदै देश छाडेर भागेकी छिन् ।

अन्तर्राष्ट्रिय समाचार संस्था बीबीसीले हसिनाले राजीनामा दिएको र भारततर्फ गएको लेखेको छ । उनी हेलिकप्टरमार्फत भारतको त्रिपुरा राज्यको अगरतलातिर गएको भनिएको छ ।

प्रदर्शनका क्रममा हजारौं नागरिक प्रधानमन्त्रीको निवासतर्फ गएपछि उनी ‘सुरक्षित स्थान’तर्फ सरेकी थिइन् । तनावका कारण बंगलादेशमा सोमबार देशभर इन्टरनेट सेवा समेत अबरुद्ध छ ।

यसैबीच, बंगलादेशका सेना प्रमुख जनरल वकार उज–जमानले अन्तरिम सरकार बनाउने घोषणा गरेका छन् । प्रधानमन्त्रीले राजीनामा दिएर देश छाडेपछि सेनाले कु गरेको हो ।