घट्यो सुनको र चाँदीको भाउ, आजको मूल्यसहित

नेपाल सुनचाँदी व्यवसायी महासंघका अनुसार मंगलबार सुनचाँदीको मूल्य घटेको छ । आज सुनको मूल्य प्रतितोला २०० रुपैयाँले र चाँदीको मूल्य प्रतितोला ५ रुपैयाँले घटेको हो । यससँगै, सुनको मूल्य प्रतितोला ९३ हजार ८०० रुपैयाँ र तेजाबी सुनको मूल्य प्रतितोला ९३ हजार ३०० रुपैयाँमा कारोबार भइरहेको छ । सोमबार छापावाल सुनको मूल्य प्रतितोला ९४ हजार रुपैयाँ र तेजाबी सुनको मूल्य प्रतितोला ९३ हजार ५०० रुपैयाँ थियो ।

महासंघका अनुसार हिजो सुनको मूल्यमा प्रतितोला ४०० रुपैयाँको वृद्धि आएको थियो । साताको पहिलो कारोबार दिन आइतबार तोलामा ९३ हजार ६०० रुपैयाँ रहेको सुनको मूल्य हिजो उकालो लागेको थियो ।

यसैगरी, सुनको मूल्य घटेको दिन चाँदीको मूल्य पनि घटेको छ । महासंघका अनुसार आज चाँदीको मूल्य प्रतितोला ५ रुपैयाँले घटेको हो । यससँगै, आज चाँदीको मूल्य प्रतितोला ११ सय ६० रुपैयाँ कायम भएको छ । जुन, हिजो सोमबार ११ सय ६५ रुपैयाँ थियो ।