काठमाडौं । अरूपण आर्ट ग्यालरीले विभिन्न स्रष्टाहरूलाई शनिबार आफ्नै ग्यालरीमा नन्दादेवी खनाल ललितकला स्मृति अवार्ड प्रदान गरेको छ । नेपाली कला क्षेत्रमा लामो योगदान पु¥याएको भन्दै कार्यक्रममा प्रा. गोविन्दनारायण ज्यापुलाई लाइफटाइम स्पेसल अवार्ड, कला समीक्षक देवेन्द्र थुम्केलीलाई आर्ट क्रिटिक अवार्ड, पौभा कलाकार समुन्द्रमान सिंह श्रेष्ठलाई क्रिएटिभ अवार्ड प्रदान गरियो ।
यस्तै कला प्रर्वतक मोतीरत्न तुलाधरलाई आर्ट प्रमोट अवार्ड, कला डिजाइनर भरत कृष्ण महर्जनलाई कमर्सियल आर्टिस्ट अवार्ड, कला पत्रकार विनिता मरहट्ठालाई आर्ट मिडिया अवार्ड र मिथिला कलाकार पुनम कुमारी दासलाई कला अवार्ड प्रदान गरियो ।
सो ग्यालरीका संस्थापक कलाकार रमेश खनालले आफ्नी माता नन्दादेवीखनालको स्मृतिमा स्थापना यी अवार्ड स्थापना गरेर बर्सेनि कला क्षेत्रसँग जोडिएका सात व्यक्तिलाई प्रदान गर्दै आएको बताए ।