मङ्सिर । मेक्सिकोको ‘नेसनल इन्स्टिच्युट अफ स्टाटिस्टिक्स एण्ड जिओग्राफि (आइएनइजिआइ) द्वारा हालै प्रकाशित एक अध्ययन प्रतिवेदनमा सन् २०१३ र २०१४ को अवधिमा मेक्सिकोमा महिला विरुद्धको हिंसा बढेको देखिएको थियो ।

सो संस्थाले गरेको अनुसन्धानबाट त्यहाँ प्रत्येक दिन औषत सात महिलाको विभिन्न हिंसाजन्य क्रियाकलापबाट मृत्युहुने गरेको पाइएको थियो ।

आइएनइजिआइले सो तथ्याङ्क सोमबार सार्वजनिक गरेको समाचारमा जनाइएको छ । बिशेषगरी त्यस देशमा महिलाको हत्या र आत्महत्या हुने गरेको पनि पाइएको छ ।

यस ल्याटिन अमेरिकी देशमा सन् २००० देखि २०१४ को बीचमा २ लाख ३५ हजार घरेलु हिंसा वा हत्याका घटना दर्ता भएकोमा यस अवधिमा ११.२ प्रतिशत महिलाको हत्या भएको पाइएको समेत जनाइएको छ ।

मेक्सिकोमा हालका दिनहरुमा महिलाहरुको विषेशगरी हत्या हुने र आत्महत्या पनि त्यत्तिकै हुने गरेको तथ्य पनि आइएनइजिआइद्वारा तयार गरिएको सो प्रतिवेदनले जानकारी दिएको छ ।

साथै सन् २०११ मा मेक्सिकोमा गरिएको एक अध्ययनमा प्रति १० मध्ये छ जना महिलाले कुनै न कुनै प्रकारको हिंसा भोग्न बाध्य हुनुपरेको पनि पाइएको थियो ।

यस्तो हिंसा भोग्नुपरेका महिलाको उमेर १५ वर्ष वा सोभन्दा बढी रहेको पनि बताइएको छ ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।