दिप बहादुर घर्ति जाजरकोट ४ मंसिर । सदरमुकाम खलंगावाट सुर्खेतको राकमका लागी छुटेको बस दुर्घटनामा परेको छ । सदरमुकादेखि विहान ६ वजे छुटेको ना ३ ख १४०८ नं को यात्रुवहाक वस विपरित दिशावाट आएको ट्याक्टरलाई साईट दिन खोज्दा भुर गाविस वडा नं ७ अन्तर्गत रावतगाउँको भिरवाट खसेर नदीमा हराएको छ । 
मध्यपश्चिम यातायात व्यवसायी समितिद्धारा सञ्चालित बस सदरमुकाम देखि झण्डै २४ किलो मिटरको दुरीमा पर्ने भुर गाविसको रावतगाउँ नजिकको भिरवाट खसेर भेरी नदीमा हराएको हो । जाजरकोट सदरमुकामवाट ३७ जना यात्रु लिएर गएको वसमा विच–विचमा अन्य यात्रुहरु पनि थपिएको हुन सक्ने अनुमान गरिएको प्रहरीले जनाएको छ ।
दुर्घटनामा परेको बस सडकदेखि ३५ मिटर तल भेरी नदीमा खसेर हराएको हो । दुर्घटनामा घाईते १० जनालाई उद्धार गरि उपचारका लागी सुर्खेत पु¥याईएको छ । बस पुरै नदीमा डुबेको हुदा खोजी कार्यमा कठिनाई भएको प्रहरीले वताएको छ ।
घाईते हुनेहरुमा डाडाागाउँका लक्ष्मी वुढा, तिलक पुन,गोपाल रोकाय, दाङ्ग पन्चकुलेका भीम बहादुर चन्द, बाँके टिटरीयाका पदमराज पुरी, विमला रोकाय, सुर्खेत जहरेका मोतिलाल डाँगी, जाजरकोट खलंगा ३ की सर्मिला वली, भुर ८ का दिपक शाही र जिल्ला प्रहरी कार्यालयका सहयोगी देवबहादुर थापा रहेका छन ।
प्रहरीका अनुसार ३ जनाको सव फेला परेको छ । मृतक मध्ये खलंगा २ की गीता सुनार र ढिमे १ दम्दालाका नवालक आयूस मल्लको मात्र सनाखत भएको छ भने १ नावलकको सनाखत हुन वाँकी छ । यसैगरी दुर्घटनामा मृत्यु हुनेको संख्या ४७ भन्दा माथी नै रहन सक्ने प्रत्यक्षदर्शी÷स्थानियहरुले अनुमान गरेका छन् ।
यति ठुलो बस दुर्घटना भएको जाजरकोटको लागि पहिलो हो । घटना स्थलमा उद्धारका लागी लाईफ जकेट सहित नेपाल आर्मी र नेपाल प्रहरी परिचालन गरिएको छ ।
नदीमा खसेको बस अहिले सम्म पत्ता नलागेको प्रहरीले बताएको छ । काठमाण्डौंवाट नेपाली सेनाको हेलिकप्टरमा अवेर गरि ल्याईएका गोताखोरहरुले पनि बस पत्ता लगाउन सकिरहेका छैनन् । नदी गहिरो भएकाले विहिबार उद्धार गर्न नसकिएको र शुक्रबार सम्म बस तथा लास निकाल्न सकिने प्रहरीले बताएको छ ।
Comments