विज्ञप्ती मार्फत संवेदना व्यक्त, श्रद्धान्जली अर्पण

दिप बहादुर घर्ति
 जाजरकोट १ साउन । नेपाल पत्रकार महासंघ जाजरकोट शाखाले बुधवार एक विज्ञप्ती प्रकाशित गरेर विज्ञप्ती मार्फत संवेदना व्यक्त गर्नुका साथै हार्दिक श्रद्धान्जली अर्पण गरेको छ ।

नेपाल पत्रकार महासंघ जाजरकोट शाखाका पूर्व अध्यक्ष तथा कान्तिपूर दैनिकका सम्वाददाता भीमबहादुर सिंहकी ममतामयी ७५ बर्षिय आमा जयकुवाँरा सिंहको गत असार २० गते असामयीक निधन भएको थियो । बुधवार १३ औं पुन्य तिथीको अवसर पारेर प्रकाशित विज्ञप्तीमा मृत आत्म चिर शान्तिको कामना गर्नुका साथै पार्थिप शरिर प्रति हार्दिक श्रद्धान्जली अर्पन गरिएको छ । शाखा अध्यक्ष जनक के.सी.द्धारा हस्ताक्षेरित विज्ञप्तीमा शोकाकुल परिवारजन प्रति हार्दिक संवेदना व्यक्त गरिएको छ ।

शाखा पूर्व अध्यक्ष तथा कान्तिपूर दैनिकका सम्वाददाता भीमबहादुर सिंह निरन्तर रुपमा विगत १२ बर्ष  देखि पत्रकारिताका क्षेत्रमा काम गर्दै आएका छन । सिंहले नेपाल पत्रकार महासंघ जिल्ला शाखाका लागी निकै ठुलो योगदान गरिसकेको अध्यक्ष जनक के.सी.ले वताए ।

भीमबहादुर सिंह स्वर्गिय ममतामयी आमा जयकुवाँरा सिंहका माईला छोरा हुन । माईलो छोरा भए पनि पौरानिक परम्परा र सँस्कार अनुसार नै  सिंहले अाफ्नि आमाको काजकिरिया पुरा गरेका छन ।