जेठ ७ । चितवनमा एक युवतीलाई झुक्याएर यौन शोषण गर्ने युवालाई २ वर्ष जेल तोकिएको छ ।
एक रेडियोमा सञ्चालित फोनिङ कार्यक्रममा नम्बर दिएकी एक युवतीलाई फोन गरी झुक्याएर सम्बन्ध गाँसेको उजुरीका आधारमा पक्राउ परेका चितवनकै कोराक १ का ३७ वर्षीय सागर तामाङ भनिने सिमसोन चेपाङलाई उक्त सजाए सुनाइएको हो ।
यौन शोषणमा परेकी युवतीले जिल्ला अदालतमा ०७० भदौ ६ गत्ते मद्दा दायर गरेकी थिइन् । अदालतले ९ महिनापछि मंगलवर मद्दाको फैसला गरेको छ । न्यायाधीश विनोदमोहन आचार्यको इजलाशले मानव बेचबिखन तथा ओसार पसार ऐन ०६४ को दफा ३ (१) एंव ४ (२) (ख) बमोजिम यौन शोषण कसुर गरेको ठहर्दै उक्त ऐनको दफा १५ (१) को (च) बमोजिम २ बर्ष कैद सजाए सुनाएको हो ।
त्यस्तै उक्त ऐनको दफा १७ (१) बमोजिम ५० हजार जाहेरीवालीलाई क्षतिपुर्ति दिने फैसला सुनाएको छ । उक्त घटनामा संलग्न रहेका अर्का अभियुक्त असिमकुमार चेपाङ भने फरार छन् ।
Comments