चैत्र १५ । मोरङमा एक पुरुषले ३२ वर्षिय एक महिलाको हत्या गरी आत्महत्या गरेका छन् ।
इलाम बाँझो ८ घर भएकी ३२ वर्षकी पुष्पा लिम्बुलाई स्थानीय २८ वर्षका राजकुमार लिम्बुले हत्या गरेका हुन् । हत्यापछि लिम्बुले आफ्नै पेटमा खुकुरी प्रहार गरि आत्महत्या गरेको प्रहरीले जनाएको छ ।
पुष्पाका श्रीमान् बुद्धहाङ लिम्बु बैदेशिक रोजगारबाट फर्किएर आमाको उपचारका लागि चितवन रहेका छन् । राजकुमारकी श्रीमती भने लेवनानमा बस्दै आएको प्रहरीले जानकारी दिएको छ । दुई छिमेकी रहेका उनीहरुका श्रीमान् र श्रीमती देश बाहिर रहेका बेलादेखिनै उनीहरुबीच प्रेम सम्बन्ध रहेको स्थानीयबासिन्दाले आशंका गरेका छन् ।
Comments