केही छिनमा एसईईको नतिजा आउँदै

काठमाडौं ९ असार । गत चैत महिनामा सञ्चालित माध्यमिक शिक्षा परीक्षा (एसईई) कक्षा १० को नतिजा आज केही समयपछि सार्वजनिक हुने भएको छ ।

राष्ट्रिय परीक्षा बोर्ड, सानोठिमीले अहिले केही समयपछि पत्रकार सम्मेलन गरेर परिक्षाको नतिजा सार्वजनिक गर्ने जनाएको छ । परीक्षा नियन्त्रण कार्यालयले शनिबार दिउँसो ३ बजे बोर्ड बैठक डाकेको छ ।

गत चैत ८ बाट सञ्चालित यस वर्षको एसईई परीक्षामा ४ लाख ८५ हजार ५ सय ८६ जना विद्यार्थी सहभागी थिए ।