काठमाडौं । आज भोलि राजनीतिक रूपमा रेलको विषय निक्कै उठ्ने गरेको छ । प्रधानमन्त्री केपी शर्मा ओलीको भारत भ्रमण र चीन भ्रमण दुवैमा रेलको खुबै कुरो चल्यो । पछिल्लो समय भने राजनीतिक रूपमा मात्र नभएर चिजका गितमा पनि चाइनको रेल गुडेको विषय आउन थालेको छ ।
गायिका सरु गौतमले नेपाली हिन्दु महिलाहरुको महान चाड हरितालिका तिजको अवसरमा नयाँ तिज गित “चाइनाको रेलमा” लिएर आएकी हुन् ।
गितमा चाइनको रेल काठमाडौंमा उडेको सपना देखेको उडेको निक्कै सुमधुर स्वरमा प्रस्तुत गरिएको छ । आजभोलि उक्त गितले मार्केट पनि लिन सुरु गरिसकेको छ ।
व्यवसायी तथा गीतकार कुमार कटुवालको शब्द तथा दिपक शर्माको संगीत रहेको यस गीतको म्युजिक भिडियोमा मोडल सुप्रिया कटुवाल, सबि कटुवाल तथा गायिका सरु गौतमको बेजोड अभिनय तथा नृत्य देख्न सकिनेछ । छायाँकार उत्सव दाहालले छायांकन गरेको उक्त भिडियोलाई देबेन्द्र पाण्डेले निर्देशन गरेका हुन् भने सुशील न्यौपानेले सम्पादन गरेका छन् ।