माघ २९ । नेकपा एमालेका वरिष्ठ नेता माधवकुमार नेपालले एमालेले प्रधानमन्त्रीको सपथ बहिष्कार गरेको नभइ केही नेताहरुमात्र सहभागी नभएको बताएका छन् ।

मंगलबार भएको सपथ ग्रहण कार्यक्रममा पूर्वप्रधानमन्त्रीको हैसियतमा भन्दै अध्यक्ष झलनाथ खनाल र नेता नेता नेपाल उपस्थित भए पनि अन्य नेताहरु भने उपस्थित भएका थिएनन् । सपथ ग्रहण अगाडी एमाले स्थायी कमिटी बैठकले सपथ ग्रहण बहिस्कार गर्ने निर्णय गरेपनि नेता नेपालले भने सपथ ग्रहण एमालेले बहिस्कार नगरेको बताए ।

नेता नेपालले कांग्रेस र एमालेका शीर्ष नेताहरुबीच गृह मन्त्रालय कसले लिने भन्नेमा सहमति नभएको भन्दै  गृह मन्त्रालयको विषयमा शीर्ष तहमा सहमति  नभए पनि सम्मानजनक स्थान नपाए एमाले सरकारमा सहभागी नहुने बताए ।

पोखरामा सञ्चारकर्मीहरुसँग नेता नेपालले दुई दलको नेतृत्व तहमा गृहमन्त्रालयका विषयमा छलफल नभए पनि वार्ता समितिमा भने गृह मन्त्रालय एमालेले लिने सहमति भएको बताए ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।