ब्याज बुझाउन गएका प्रअको बैंक हाताबाटै साढे तीन लाख रुपैयाँ चोरी

माघ २९ । क्यास काउण्डरमा ब्याज बुझाउन बसेका एक व्यक्तिको बैंक हाताबाटै साढे तीन लाख चोरी भएको छ ।

नवलपरासीको कावासोतीमा रहेको गौरीशंकर डेभलपमेन्ट बैंकको हाताबाटै क्यास काउण्डरमा ब्याज बुझाउन बसेका भारतीपुरका खुमबहादुर थापाको ब्यागसहित रकम चोरी भएको हो । थापा रामशाह निमावि भारतीपुरका प्रधानाध्यापक समेत हुन् ।  थापाले शिक्षकहरुलाई तलब दिनका लागि  बैंकबाट रकम झिकेको बताइएको छ ।

राष्ट्रिय बाणिज्य बैंक कावासोतीबाट पैसा निकालेर संगै रहेको गौरी शंकर डेभलपमेन्ट बैंकमा ब्याज बुझाउन छिरेका बेला बैंकका गार्डले झोला  भुँईमा राखेर मात्र लाइनमा बस्न लगाउँदा झोला चोरी भएको बताइएको छ ।