माघ २७ । कांग्रेस र एमालेबिच सात बुँदे सहमतिसँगै प्रधानमन्त्री सुशिल कोइराला चुनिएपनि मन्त्रालय भागबन्डाको विषयमा दुई दलबिच किचलो सुरु भएको छ ।
कांग्रेस नेताहरु राम्रा मन्त्रालय एमालेलाई दिन हुँदैन भन्दै विवादमा उत्रिएपछि कोइरालाले गृह मन्त्रालय एमालेलाई दिन नसक्ने बताएको स्रोतले जनाएको छ ।
एमालेले भने सहमति अनुसार अघि नबढे आफूहरु सरकारमा नजाने चेतावनी दिएको छ ।
प्रधानमन्त्री चयन भएको केही समयपछि नै मन्त्रालय भागबन्डाको विषयमा दुई दलबीच किचलो सुरु भएको हो ।
नवनिर्वाचित प्रधानमन्त्री सुशील कोइरालाले पार्टी भित्र आफूलाई दवाब परेकोले गृह मन्त्रालय दिन नसक्ने एमाले अध्यक्ष झलनाथ खनाललाई बताएको जनाइएको छ । यसलाई एमालेका नेताहरुले धोकाको संज्ञा दिएका छन् ।
Comments
