माघ २७ । टुरिजम् विकास बैंकको मेघा बैंकमा रहेको दुई करोड रुपैंया ठगी गर्नेको तस्बीर सार्वजनिक भएको छ ।
मेगाले अभियुक्तको फोटो सार्वजनिक गर्दै ठगी गर्नेको सूचना दिनेलाई तीन लाख रुपैंया पुरष्कार घोषणा पनि गरेको छ ।
घटनाका विषयमा मेगा बैंकले बिहीबार नै नेपाल प्रहरीको अपराध अनुसन्धान महाशाखामा उजुरी दिएको थियो, जुन अहिले अनुसन्धानको प्रक्रियामा रहेको बैंकले जानकारी दिएको छ ।
मेगा बैंकले अभियुक्तका बारेमा सूचना दिइ पक्राउका लागि सहयोग गर्न सर्वसाधारणलाई अपिल गर्दै पुरस्कारको समेत घोषणा गरेको हो ।
पक्राउका लागि अभियुक्तको हालको अवस्था, यकीन सूचना तथा विस्तृत जानकारी नजिकको प्रहरी कार्यालय अथवा फोन नम्बर ९८०३९२५०३७ मा दिन मेगा बैंकले सर्वसाधारणलाई अनुरोध गरेको छ ।
Comments