माघ २६ । नेकपा एमालेले सरकारमा कांग्रेस सभापति सुशिल कोइरालालाई समर्थन गरेपछि एमालेले भने सभामुख पाउने भएको छ ।
दुई दलबीच भएको सहमतिको सातौं बुँदामा संविधान सभा अध्यक्ष एमालेलाई दिने उल्लेख गरिएको छ ।
दुई दलबीचको सहमतिमा संविधान सार्वजनिक भएपछि र लागू हुनुअघि प्रधानमन्त्रीसहित राष्ट्रपति, उपराष्ट्रपति, सभामुख र उपसभामुखको निर्वाचन हुने उल्लेख गरिएको छ।
जुन ७ बुँदा यस्ता छन्ः
१) एक वर्षभित्र नयाँ संविधान जारी गर्ने।
२) अघिल्लो संविधानसभाले गरेका कामहरुको स्वामित्व ग्रहण गर्ने।
३) संविधानसभाले राष्ट्रपति र उपराष्ट्रपतिको अनुमोदन गर्ने। त्यसका लागि संविधान संशोधन प्रस्ताव सरकारले ल्याउने।
४) एमालेले कांग्रेसको नेतृत्वमा सुशील कोइरालाको सरकारलाई समर्थन गर्ने।
५) एक वर्षभित्र संविधान जारी भएपछि राष्ट्रपति, उपराष्ट्रपति र सभामुखसहितका पदाधिकारीहरुको निर्वाचन गर्ने।
६) सरकार निर्माणका लागि कांग्रेसले सात दिनभित्र नीति तथा कार्यक्रमको खाका तयार गर्ने।
७) संविधान सभा अध्यक्ष एमालेलाई दिने।
