माघ ११ । एमाओवादीको जारी केन्द्रीय समिति बैठकमा अध्यक्ष पुष्पकमल दाहाल प्रचण्ड पुत्र प्रकाशको बारेमा आलोचना बढेर गएपछि उनी भने तरकारी खेतीतर्फ लाग्ने सोचमा पुगेका छन् ।
सामाजिक सञ्जाल फेसबुकमार्फत उनले तरकारी खेती गर्ने सोचको खुलासा गरेका हुन् । फेसबुकमा उनले नजानेकाले तरकारी खेती गर्न जान्नेले सिकाईदिन समेत भनेका छन् ।
 शुक्रबारको बैठकमा केन्द्रीय सदस्य रेणु चन्दले प्रकाशको कार्यक्षेत्र परिवर्तन गरी हेडक्वाटरबाट हटाउन माग गरेकी थिइन् । उनको समर्थन गर्दै  कृष्ण धिताल र श्रीप्रसाद जवेगुले पनि प्रकाशलाई तह लगाउन माग गरेका थिए ।
अन्य नेताले समेत  प्रकाशबारे प्रश्न उठेकाले समाधान गर्न अध्यक्ष दाहाललाई दबाब थपेका थिए ।
अर्काकी श्रीमती समेत रहेकी विद्यार्थी नेतृ बिना मगरलाई भगाएपछि प्रकाश विवादमा तानिएका थिए ।
Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।