माघ ८ । दोस्रो संविधानसभाको पहिलो बैठक सम्पन्न भएको छ । सभाका जेष्ठ सभासद सुर्यबहादुर थापाको अध्यक्षता संविधानसभा भवन नयाँ बानेश्वरमा बैठक बसेको हो ।

पहिलो बैठकले सविधानसभा नियमावली ०७० जारी नभएसम्म संविधानसभा नियमावली ०६५ बमोजित बैठक सञ्चालन गर्ने प्रस्ताव पारित भएको छ । त्यस्तै,  संविधानसभा निर्वाचन सफल पार्न सहयोग गर्नेलार्इ धन्यबाद प्रस्ताव र अध्यक्षको व्यवस्था नहुन्जेल बैठक सञ्चालक समिति गठनको प्रस्ताव पनि पारित गरेको छ ।

 बैठक सञ्चालक समितिमा मानवहादुर विक, विद्या भण्डारी, जेवी जुहुरे, आशा चर्तुदेवी, विक्रम पाण्डे र अकवाल अहमद साह लगायत रहेका छन् ।

बैठकमा सप्तरीका २ का एमाओवादी सभासद अशोककुमार मण्डललाई सभासदको हैसियतका काम गर्न संविधानसभा अदालतले रोक लगाएकोबारे जानकारी गराइएको छ । संविधानसभाको अर्को बैठक माघ १५ गते बस्ने भएको छ ।


  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।