पुस २९ । पर्वतमा मलामी बोकेको जीप दुर्घटना हुँदा २ जनाको मृत्यु भएको छ । दुर्घटनामा अन्य १४ घाइते भएका छन् ।

दक्षिण पर्वतको हुवास गाविसस्थित दारसिङडाँडामा गएराती जीप दुर्घटना भएको हो ।

मलामी बोकेर त्रिवेणीदेखि हुवासको बसेलडाँडामा जाँदै गरेको ग १ च ७६०२ नम्वरको जीप दुर्घटना हुँदा हुवास–५ का ६५ वर्षिय होमनाथ तिवारी र सोही स्थानका ४५ वर्षिय लोकप्रसाद न्यौपानेको ज्यान गएको बताइएको छ ।

घाईतेमध्ये चार जनाको अवस्था गम्भिर रहेको बताइएको छ । गम्भिर घाईतेहरुको पोखरास्थित मणिपाल हस्पिटलमा उपचार भैरहेको र अन्यको स्थानीय स्वास्थ्य चौकीमा उपचार भैरहेको प्रहरीले जानकारी दिएको छ ।

कच्ची बाटोमा ओभर लोडका कारण उकालो बाटोमा जिप दुर्घटना भएको बताइएको छ ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।