पुस २९ । सुराकी बापतको रकम लिनका लागि एक प्रहरीले आफ्नी पत्नीको नाम राखेर सुराकी रकम लिएको नयाँ रहस्य खुलेको छ ।

गत भदौमा बौद्दबाट समातिएको १६ किलो सुन तस्करीको सुराकीका रुपमा एक प्रहरीले आफ्नी पत्नीको नाम सुराकीको रुपमा राखेको खुलेको हो ।

चीनको राजधानी बेइजिङबाट तिब्बत हुँदै तातोपानी नाकाबाट नेपाल भित्रिएको उक्त सुनको असली सुराकी तिब्बतीयन नागरिक नै भए पनि सुन पक्राउ गर्ने कमाण्डमा खटिएका इन्स्पेक्टर कृष्णबहादुर चन्दले पत्नी ज्योतिकुमारी पालको नाम सुराकीमा राखी ९८ लाख ८४ हजार तीन सय ४३ मध्ये २५ प्रतिशत आयकर २४ लाख ७१ हजार ८६ रुपैयाँ कटाई ७४ लाख १३ हजार २ सय ५७ रुपैयाँ चन्दले पत्नीलाई राजस्व अनुसन्धान विभागमा लगेर उक्त रकम बुझेको बताइएको छ ।

तिब्बतबाट नेपाल सुन तस्करी हुँदै गरेको सुराकी पाएका चन्दले पत्नी ज्योतिले सुरकी दिएको भन्दै रकम निकासा गरेर राजस्व अनुसन्धान विभागमा महानिर्देशक भरतराज सुवेदीले २० लाख रुपैयाँ लिएको समेत खुलेको नेपाल समाचार पत्रमा खबर छ ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।