पुस २० । सन् २००३ बाट कञ्चनपुरलाई कार्यक्षेत्र बनाएको माइती नेपालले २०१३ को अन्त्यसम्म ४३ जनामाथि मानव बेचबिखनबिरुद्ध र जबरजस्ती करणी मुद्दा दायर गरेको छ ।

माइती नेपाल कञ्चनपुरकी संयोजक महेश्वरी भट्टले मानव बेचबिखनबिरुद्ध २५ जना र जबरजस्ती करणीबिरुद्ध १६ जनामाथि मुद्दा चलाइएको बताइन् ।

सन् २००७ मा पहिलोपटक चारजनाविरुद्ध मानव बेचबिखन मुद्दा दर्ता गरेको थियो ।
उनका अनुसार ११ वर्षको अवधिमा माइती नेपालले ९६ जनाको उद्दार गरेको छ । जसमध्ये १७ जना बालबालिका छन् ।

यसैगरी माइती नेपालले यसै अवधिमा विभिन्न प्रलोभनमा परी भारतीय शहरका साथै तेस्रो मुलुक जान भनेर हिंडेका डेढ हजारभन्दा बढीलाई सीमा क्षेत्रमा रोकाथाम गरेको छ ।

संयोजक भट्टले ११ वर्षको अवधिमा माइती नेपालले झन्डै २२ हजार जनालाई चेलिबेटी बेचबिखनबिरुद्ध परामर्श दिएको जानकारी दिइन् ।
रासस

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।