प्रदेश १ मा ३० जनालाई कोरोना संक्रमण

विराटनगर, १४ बैशाख । प्रदेश १ मा हालसम्म ३० जनालाई कोरोना संक्रमण भएको छ । हालसम्म नेपालमा ५२ जनालाइ काेराेना संक्रमण भएकाे छ । जसमध्ये प्रदेश एकमा प्रदेश नं १ मा ३० जनालाई कोरोना संक्रमण भएको हाे । प्रदेश एकमा पाँच हजार बढीको कोरोना परीक्षण भएको छ । शनिबारसम्म प्रदेश १ मा ५ हजार २ सय १२ जनाको कोरोना परीक्षण भएको मुख्यमन्त्री तथा मन्त्रिपरिषद्को कार्यालमा रहेको कोरोना सूचना डेस्कले जनाएको छ । द्रूत परीक्षण विधि (आरडीटी) बाट शनिबारसम्म जम्मा ४ हजार २ सय ९८ जनाको परीक्षण भएको छ । त्यस्तै ल्याबमा स्वाब लगेर परीक्षण गरिने विधि पीसीआरबाट ९ सय १४ जनाको कोरोना परीक्षणमा भएको छ ।

प्रदेश सरकारले निर्माण गरेका क्वारेन्टाइन स्थलमा बस्नेको संख्या शनिबारसम्म १ हजार २ सय ४ जना पुगेको छ । आइसोलेसनमा स्वास्थ्यकर्मीको निगरानीमा ३१ जना छन् ।