कात्तिक २५ । नेकपा एमालेका अध्यक्ष झलनाथ खनालको पुख्र्यौली घरमा आगजनीको प्रयास भएको छ ।
इलाम क्षेत्र नम्बर १ का उम्मेदवार खनालको साँखेजुङ–४ मा रहेको तीन तले घरको भुइँतलामा नचिनेका मानिसको समूहले पेट्रोल छर्केर आगजनीको प्रयास गरेका हुन् ।
गएराती ११ बजे उक्त प्रयास गरिए पनि घरमा क्षति भने हुन पाएन ।
आगजनी प्रयासपछि खनालको पुख्र्यौली घरमा राती नै पुगेका सुरक्षाकर्मीले अहिले पनि घरको सुरक्षा गर्दै घटनामा संलग्न भएकाहरुको खोजी गरिरहेको प्रहरीले जनाएको छ ।
