कोरोनाबाट चिकित्सकले पनि ज्यान गुमाए



कर्णाली प्रदेश अस्पताल सुर्खेतमा कार्यरत अर्थोपेडिक सर्जन डा हरि सापकोटाको कोरोना सङ्क्रमणबाट निधन भएकाे छ । उनको उपचारको क्रममा भेरी अस्पताल नेपालगञ्जमा आज निधन भएको कर्णाली प्रदेश स्वास्थ्य सेवा निर्देशनालयका प्रमुख डा रविन खड्काले जानकारी दिए ।

दुई साताअघि कोरोना सङ्क्रमण पुष्टि भएका ५८ वर्षीय डा सापकोटलाई प्रदेश अस्पतालमा श्वास फेर्न गाह्रो भएपछि थप उपचारका लागि नेपालगञ्जको भेरी अस्पतालमा पुर्याइएको थियो । उनी प्रदेश अस्पतालमा लामो समयदेखि कन्सल्ट्यान्ट प्रमुखका काम गर्दै आउएका थिए । नेपालका कोरोनाबाट चिकित्सकको निधन भएकाे पहिलो घटना भएको बताइएको छ ।

हाम्रो फेसबुक पेज लाइक गरिदिनु होला