असोज १४ । मनाङको हिम्लुङ हिमाल चढ्न गएका तीन जना नेपाली पथ प्रदर्शकको हिम पहिरोमा परेर ज्यान गएको छ ।
हिम पहिरोले सोलुखुम्बु गुदेल–४ टेन्डी शेर्पा, ओखलढुङ्गा खिजिफलाटेका काजी शेर्पाको र पासाङ शेर्पाको ज्यान गएको बताइएको छ ।
पर्यटक लिएर गएका उनीहरु हिजो सांझ हिम पहिरोमा परेका हुन् । विदेशी पर्यटकहरु भने हिम पहिरो गएको स्थानभन्दा तल रहेकाले सकुशल रहेको बताइएको छ ।
मृतकहरूको शव लिनका लागि गएको माउन्टेन हेलिकोप्टर हिम्लुङ हिमालको आधार शिविर पुगेको भएपनि मौसम खराबीका कारण फर्कन सकेको छैन।